නවතම පුවත

Saturday, September 26, 2015

ඇඹිලිපිටියේ එම්.ජීට ඩුප්ලිකේට් එම්.ජී මීගමුවේදී හමුවෙයි – කවුද දැන් ඇත්ත එම්.ජී........

දෙරණ ඩ්‍රීම්ස් ස්ටාර් වැඩසටහනින් නව පරපුරේ සුවහසක් සංගීත ලෝලීන්ගේ ජනාදරයට පාත්‍ර වූ  එම්.ජී ධනුෂ්කගේ නම නොදන්නා කෙනෙක් නෑනේ. කොහොම වුණත් ඒ ධනුෂ්කගේම නම විකුණාගෙන කමින් වැරදි වැඩක් කරලා අතටම අහුවුණ ධනුෂ්ක කෙනෙක් ගැන තමයි මේ කියන්න යන්නේ. මොකද මේ ධනුෂ්කත් හැඩ රුවින් ඇඹිලිපිටියේ එම්.ජී ධනුෂ්කම වගේ නිසයි.

කතාවකටත් කියනවානේ එක වගේ හත්දෙනෙක් ඉන්නවා කියලා. ඒ කොහොම වුණත් සමාජයේ ජීවත් වෙනකුට වැරදි ක්‍රමවලින් එහෙම නැතිනම් මිනිසුන් නොමග යවලා අහිංසක මිනිසුන්ගේ අතේ මිටේ තියෙන අන්තිම ශතයත් කඩා වඩා ගන්නා වැඩ කරන මේ වගේ ධනුෂ්කලා දහසක් සිටියත් කුමටද කියන ප්‍රශ්නය මේ දේවල් අහනකුට දකිනකුට හිතෙනවා.

“මං ලමයා කරපින්නාගෙන එද්දී ලමයාට හොඳටම නින්ද ගිහින් තිබුනා“ -සේයාගේ මාරයා, කොණ්ඩයාගේ පාපෝච්චාරණය

කොටදෙනියාවේ අකරන්ගහ පදිංචිව සිටි සේයා සඳෙව්මි දැරියගේ නිවසේ ඉදිරිපස දොර ඇරගෙන නිවසට ඇතුළු වූ තමා නිදා සිටි දැරිය කරපින්නාගෙන එම දොරින්ම පිට වූ බව දැරිය දූෂණය කොට ඝාතනය කිරීම සම්බන්ධයෙන් අත් අඩංගුවට ගනු ලැබ සිටින දුනේෂ් ප්‍රියශාන්ත හෙවත් කොණ්ඩයා නමැත්තා පොලිසියට පාපෝච්චාරණය කරමින් පවසා ඇත.

දැරිය නිදා සිටි කාමරයේ ජනේලය ඇර තිබුනේ නමුත් ජනේලයෙන් පනින්න බැරි නිසා තමා නිවසේ ඉදිරිපස දොරේ හැඬලය කරකවා දොර ඇරීමට උත්සාහ කළ විට දොර ඉබේම ඇරුණු බවද ඒ සමගම තමා නිවසට ඇතුළු වී දැරිය නිදා සිටි කාමරයට ගිය බවද සැකකරු වැඩිදුරටත් පාපෝච්චාරණය කර තිබේ.

Tuesday, September 8, 2015

රුපියල පාවෙයි - බඩු මිල ඉහලට

පසුගිය කාලය තුළ ඩොලරයේ අගය ස්‌ථාවරව පවත්වාගෙන යැම සඳහා ශ්‍රී ලංකා මහ බැංකුව තම විදේශ සංචිත යෙදවීම නිසා විශාල බරක්‌ දරන්නට රජයට සිදුවිය.

ශ්‍රී ලංකා මහ බැංකුව විසින් ඩොලරය නිදහසේ පාවෙන්නට ඉඩ හැරීමත් සමඟ රුපියලට සාපේක්‍ෂව ඩොලරයේ අගය ඉහළ යැමෙන් මෙරටට ආනයනය කරන අත්‍යාවශ්‍ය භාණ්‌ඩ ඇතුළු විවිධ ද්‍රව්‍ය රැසක මිල ඉදිරි නවලදී ඉහළ යැමට නියමිතය.

Tuesday, August 25, 2015

මෙන්න! කාර් වලින් ලංකාව පිරුණු හැටි. මුල් මාස පහේ ඩොලර් මිලියන 478 ක වාහන ගෙන්වලා



ශ්‍රී ලංකා මහ බැංකු විසින් නිකුත් කර තිබෙන නවතම ආනයන දත්ත මගින් අනාවරණය වන්නේ මේ වසරේ මුල් මාස පහ තුළදී ලංකාවට සිදුකළ ආනයන වලින් දෙවැනියට වැඩියෙන්ම වර්ධනය වී තිබෙන්නේ වාහන ආනයන බවයි.

මේ අනුව, 2015 ජනවාරි මාසයේ සිට මැයි මාසය දක්වා ලංකාවට ආනයනය කළ වාහනවල වර්ධනය ගිය වසරේ අදාළ කාලයට සාපේක්ෂව සියයට 93.9 කින් කැපී පෙනෙන ලෙස ඉහළ ගොස් ඇත.

සීෂෙල්ස් දූපතේ විවෘත කළ ලංකා බැංකු ශාඛාව හරහා රාජපක්ෂලාගේ කළු සල්ලි සුදුකරලා

රාජපක්ෂ පවුල විසින් වංචනික ලෙස සොරකම් කල මහජන මුදල් බොහොමයක් පවතින්නේ සී ෂෙල්ස් රාජ්‍යයේ බවටත් මහින්ද රාජපක්ෂ විසින් එම දූපත් හි මෑතකදී විවෘත කරන ලද ලංකා බැංකු ශාඛාව රාජපක්ෂලාගේ කළු සල්ලි සුදු කරන මධ්‍යස්ථානයක් ලෙස ක්‍රියා කර ඇති බවටත් FCID ය වෙත ලැබුණු පැමිණිල්ලක් සම්බන්ධයෙන් සිදුකරගෙන යන පරීක්ෂණ වලදී බොහෝ කරුණු හෙලිදරව් වී තිබේ.

පැමිණිල්ලේ සඳහන් කරුණු වලට අදාල ලේඛණ ලබා ගැනීම සඳහා සහ ගිණුම් හිමියන්ගේ විස්තර ලබා ගැනීම සඳහා අධිකරණ නියෝග ලබා ගෙන ඇති අතර ඒ සඳහා FCID ය කොටුව මහේස්ත්‍රාත්වරයා වෙත බී/663/15 දරණ බී වාර්තාව මගින් කරුණු දක්වා තිබේ.

යුද අපරාධ චෝදනා ගැන පරීක්ෂණ කිරීමට ජාත්‍යන්තරයට කිසිදු අයිතියක් නෑ

ශ්‍රී ලංකාවේ සිදුව ඇතැයි කියන යුද අපරාධ සම්බන්ධයෙන් ජාත්‍යන්තර පරීක්ෂණයක් කිරීමට ජාත්‍යන්තර ප්‍රජාවට කිසිදු අයිතියක් නැති බව අග්‍රාමාත්‍ය රනිල් වික්‍රමසිංහ මහතා අවධාරණය කරයි.

ජාත්‍යන්තර ප්‍රජාව එවැනි පරීක්ෂණයක් ඉල්ලා සිටින්නේ මෙරට අධිකරණ පද්ධතිය සම්බන්ධයෙන් පවත්නා විශ්වාසය බිඳ වැටීම නිසා යැයි ඒ මහතා පෙන්වාදෙයි.

අග්‍රාමාත්‍ය රනිල්  වික්‍රමසිංහ මහතා මේ බව පැවසුවේ ඉන්දියාවේ “ද හින්දු” පුවත්පත සමග සම්මුඛ සාකච්ඡාවකට එක්වෙමිනි.

එම සම්මුඛ සාකච්ඡාවේදී හින්දු පුවත්පතේ මාධ්‍යවේදියා‍ විසින් විමසන ලද ප්‍රශ්න කිහිපයකට අග්‍රාමාත්‍ය රනිල් වික්‍රමසිංහ මහතා පිළිතුරු ලබාදී තිබූ අතර මාධ්‍යවේදියාගේ එක් ප්‍රශ්නයක් වූයේ යුද අපරාධ සම්බන්ධයෙන් එල්ල වන චෝදනා ගැනයි.

ප්‍රගීත් එක්නැලිගොඩ ඝාතනයට සම්බන්ධ ලුතිනන් කර්නල්ලා ඇතුලු යුද හමුදාවේ ඉහල නිලධාරීන් 4 ක් අත් අඩංගුවට

ලංකා ඊ නිවුස්‌ මාධ්‍යවේදී ප්‍රදීප් එක්‌නැලිගොඩ මහතා පැහැරගෙන ගොස්‌ ඝාතනය කිරීමේ සිද්ධියට සම්බන්ධ බව කියන යුද හමුදා කර්නල්වරුන් දෙදෙනකු ඇතුළු හමුදා සාමාජිකයන් හතරදෙනකු අපරාධ පරීක්‍ෂණ දෙපාර්තමේන්තුව මගින් ඊයේ (24 වැනිදා) අත්අඩංගුවට ගෙන ඇත.

මෙම හමුදා සාමාජිකයන් අපරාධ පරීක්‍ෂණ දෙපාර්තමේන්තුව වෙත භාරදෙන ලෙස අවස්‌ථා කීපයකදීම දැනුම් දී තිබිණි.

ඒ අනුව සැකකාර කර්නල්වරුන් දෙදෙනා ඇතුළු හමුදා සාමාජිකයන් හයදෙනා ඊයේ පෙරවරුවේ නීතිඥයන් මාර්ගයෙන් අපරාධ පරීක්‍ෂණ දෙපාර්තමේන්තුව වෙත භාර වී ඇත.

Saturday, August 22, 2015

කිසිසේත්ම මහින්දට විපක්‍ෂ නායකකම දෙන්නේ නෑ

කිසිම හේතුවක් මත හිටපු ජනාධිපති මහින්ද රාජපක්ෂ මහතාට විපක්ෂ නායක ධූරය ලබා නොදෙන බව ශ‍්‍රීලනිප උපදේශිකා හිටපු ජනාධිපතිනී චන්ද්‍රිකා කුමාරතුංග මහත්මිය පවසයි.

ශ‍්‍රීලනිප ජ්‍යෙෂ්ඨයින් වෙත ඇය දන්වා ඇත්තේ විපක්ෂ නායක ධූරය තරුණ ජනප‍්‍රිය මන්ත‍්‍රීවරයෙකුට දීමට ජනාධිපති මෛත‍්‍රීපාල සිරිසේන මහතාත් තමාත් තීරණය කර ඇති බවත් පරාජිතයන් පිටුපස ගොස් පක්ෂය අගාධයට නොදමන ලෙසත්ය.

රනිල් වික්‍රමසිංහ මහතා අගමැති ලෙස දිවුරුම් දී සම්මුතිවාදී ආණ්ඩුවකට අත්සන් තැබෙයි

08  වැනි පාර්ලිමේන්තුවේ නව  අග්‍රාමාත්‍යවරයා ලෙසත්, නිදහස් ශ්‍රී ලංකාවේ 16 වැනි අග්‍රාමාත්‍යවරයා ලෙසත්,  එක්සත් ජාතික පක්ෂ නායක රනිල් වික්‍රමසිංහ මහතා ජනාධිපති මෛත්‍රිපාල සිරිසේන මහතා ඉදිරියේදී මීට ටික වේලාවකට පෙර දිවුරුම් දෙනු ලැබුවේය.

දිවුරුම්දීමේ උත්සවය ජනාධීපති ලේකම් කාර්යාලයේදී සිදුවිය.

එම අවස්ථාවට මහසංඝරත්නය, මෙන්ම මෙවර පාර්ලිමේන්තුවට තේරී පත්වූ මන්ත්‍රීන් අතර හිටපු ජනාධිපති මහින්ද රාජපක්ෂ මහතාද, සරත් ෆොන්සේකා මහතා ඇතුළුව තවත් පක්ෂ විපක්ෂ දේශපාලනඥයින් රැසක් එක්ව සිටියහ.

Tuesday, August 18, 2015

බෙදී වෙන් නොවී නව දේශපාලන සංස්කෘතියක් යටතේ ශිලාචාර රටක් ගොඩනැඟීමට එක්වන්න

දැන් ජයග්‍රාහකයින් හා පරාජිතයන් ලෙස බෙදී වෙන් නොවී නව යුගයේ අභියෝගයන්ට මුහුණ දෙමින් නව දේශපාලන සංස්කෘතියක් යටතේ ශිලාචාර රටක් ගොඩ නැගීම සඳහා සම්මුතිවාදී ආණ්ඩුවක් ගොඩ නැඟීමට එක් වන්නැයි සියලු දෙනාට ආරාධනා කරන බව එක්සත් ජාතික පක්ෂයේ නායක රනිල් වික්‍රමසිංහ මහතා ඉල්ලීමක් කරයි.

නිවේදනයක් නිකුත් කරමින් රනිල් වික්‍රමසිංහ මහතා මේ බව කියා සිටියි.

එම නිවේදනය වැඩිදුරටත් පහත පරිදිය.

You might also like - මදි නොකියන්න තොරතුරු: